Республикалық ғылыми-практикалық психологиялық журнал

Барлық сұрақтарыңыз бойынша хабарласыңыз:
+7 777 1461414 +7 717 242 05 89

Сайыстар — Конкурсы

БІЛІМ БЕРУ САЛАСЫ ПСИХОЛОГТАРЫНЫҢ АВТОРЛЫҚ БАҒДАРЛАМАЛАРЫ ТУРАЛЫ РЕСПУБЛИКАЛЫҚ САЙЫС ЕРЕЖЕСІ

Сайыс білім беру психологтары жұмысының тиімділігін арттыру, білім беру мекемелеріндегі психологиялық жұмыстың жаңа қалыптары мен әдістерін іздеу, білім беру үдерісінің барлық қатысушыларының психологиялық құзіреттілігін арттыру қажеттілігіне байланысты өткізіледі.

Аталмыш ереже Сайыстың мақсатын, міндетін және қатысу шарттарын анықтайды.
Сайыстың құрылтайшысы: «Қызықты психология» журналы.
Сайысты ұйымдастыру мен өткізуді «Қызықты психология» журналы жүзеге асырады.
Сайыстың мақсаты мен міндеттері:
— Білім беру үдерісін психологиялық-педагогикалық сүйемелдеудің тиімді қалыптары мен әдіс-тәсілдерін іздеу;
— Білім беру мекемелерінің бастамашыл және шығармашылықты жұмыс жасайтын психологтарын анықтау және ынталандыру;
— Кеңінен тарату мақсатында білім беру үдерісін психологиялық –педагогикалық сүйемелдеудегі жемісті тәжірибені талдау және жалпылау.

Сайысқа Қазақстан Республикасы білім беру мекемелерінің, оның ішінде мектепке дейінгі мекемелер, түрлі типтегі мектептер, психологиялық-медициналық-әлеуметтік орталықтар, психологиялық қолдау орталықтары, әлеуметтік-психологиялық бейімдеу, қосымша білім беру мекемелерінің психологтары қатысады.

Сайысқа шығармашылық ұжымдар да, жеке тұлғалар да қатыса алады. Сайыс төрт номинация бойынша өткізіледі:

«Жантану әлемінде» (психологтың пән мұғалімдерімен және сынып жетекшілерімен өзара әрекеті).

Номинацияда психологтың педагогикалық ұжыммен жұмысының түрлі формаларын ұсынуға болады: семинар бағдарламасы, тренинг бағдарламасы; бірлескен мектепішілік және мектептен тыс іс-шаралар – сабақ, сынып сағаты, ата-аналар жиналысы. Ұсынылған іс-шараның толық сипаттамасы – тәрбиешілер, мұғалімдер немесе ата-аналар алдында сөйлеген сөзі; педагогикалық қарым-қатынас стилін жетілдіруге бағытталған айрықша психодиагностикалық әдістемелер. Жүйелі жасалған жұмыстарға басымдық беріледі. Білім беру үдерісіне қатысушылар тарапынан пікірдің болуы құп алынады.

«Жеткіншектер әлемінде» (балалар мен жеткіншектерге арналған тренинг бағдарламасының үздігі).

Тренинг психологиялық-педагогикалық сүйемелдеудің ең күрделі әрі тиімді формасы. Ұсынылатын материалдарға жас ерекшелік және тақырыптық шектеулер қойылмайды. Тренинг әлеуметтену, тұлға аралық өзара әрекеттесу, кәсіби және тұлғалық өзін-өзі анықтау міндеттерін шешу жолдарының жаңалығымен ерекшеленуі тиіс. Тренинг идеясын басқа ақпарат көздерінен алуға болады, алайда сайысқа қатысушы жіберетін жұмыс танымал бағдарламалардың көшірмесі болмауы тиіс. Тренинг мазмұны сайысқа қатысушының тренинг жүргізу тәжірибесі бар әріптестері қолдана алуы үшін анық және түсінікті тілмен жазылуы керек. Тренингтің қай жерде, қалай және қаншалықты жемісті өткізілгені туралы да көрсетілуі тиіс.

«Оқушыларды кәсіби бағдарлау бағдарламасы» (балалар мен жеткіншектерге арналған кәсіби өзін-өзі анықтау бағдарламасының үздігі)

Оқушы кәсіби өзін-өзі анықтауы үшін психологиялық кәсіби бағдарлау бағдарламасын:
мектеп жасына дейінгі балаларға, мектеп бітірушілерге де арналған сабақ сценарийін және/немесе сыныптан тыс іс-шараны, ойындар мен тренингтерді құрастырып жіберуге болады.
Ұсынылатын жұмыстар айрықша авторлық идеялары мен жаңалығы болуы керек. Тренинг мазмұны сайысқа қатысушының тренинг жүргізу тәжірибесі бар әріптестері қолдана алуы үшін анық және түсінікті тілмен жазылуы керек.
Жас ерекшелігіне және жанр түріне шектеу қойылмайды.

«Бүлдіршіндер әлемінде» (мектеп жасына дейінгі балаларға арналған үздік бағдарлама)

Бағдарлама міндеті:
— Мектеп жасынан дейінгі балалардың танымдық үдерістерін, эмоциялық және коммуникативтік аймағын мақсатты дамыту;
— Шығармашылық қабілеттерін ашу.
Сайыстық жұмыс балалардың жас ерекшелігі мен мектепке дейінгі білім беру ерекшелігін ескере отырып тұлғалық және/немесе зияткерлік дамуына бағытталған сабақтардың сипаттамасынан тұруы тиіс.

Сайысқа қатысу үшін Сайысты ұйымдастырушының info@artpsy.kz электрондық мекен-жайына номинациясы көрсетілген өтінім жіберу керек. Бір қатысушыдан әр номинация бойынша келесі талаптарға жауап беретін бір жұмыс қана қабылданады:
— Айрықшалығы және жаңалығы (білім беру үдерісін психологиялық педагогикалық сүйемелдеудің жаңа формалары мен әдіс-тәсілдері немесе дәстүрлі қалыптар мен әдіс-тәсілдерді шығармашылық өңдеу; психологтың айрықша тәсілдері мен технологиялары);
— Білім беру психологиясы саласындағы отандық және шетелдік тәжірибені негізге алу;
— Ұсынылған жұмыстың оқушылардың жас ерекшелігін ескеруі тиіс;
— Білім беру мекемесінде қолданылып, апробациясы жемісті нәтиже көрсеткен практикалық маңыздылығы;
Басқа да білім беру мекемелерінде қайталап қолдану мүмкіндігі.

Егер мектепке дейінгі балалар мен оқушылармен, олардың ата-аналарымен және ұстаздарымен жүргізуге арналған сабақ, тренинг, дамытушы ойындар, сынып сағаттары, дәрістер, сауалнама және басқа жұмыс түрлерін құрастырған болсаңыз, олардың келесі ретпен сипаттаңыз:
— Түсінік хат (шамамен 2000 белгі – іс-шараның атауы мен формасы, мақсаты мен міндеттері, негізгі аудиториясы, өзара әрекеттесу сипаты, жұмыстың тиімділігін ұйымдастыру шарттары, уақыт көлемі және т.б.).
— Сабақ, тренинг, сұхбат, семинар ұсынатын болсаңыз, күнтізбелік – тақырыптық жоспары болуы тиіс.
— Жұмыста қолданылатын әдістемелер, жаттығулар мен әдіс-тәсілдер туралы; олардың мәселені шешудегі жаңалығы мен өзектілігі қандай екендігін көрсетіп әрбір сабақтың қысқаша аннотациясын жазу керек.
— Мысал ретінде 1-2 сабақтың, сұхбаттың, сөйлеген сөздің конспектісін, сондай-ақ іс-шараға қатысушылардың пікірлерін келтіруге болады.
— Мәтіннің көлемі – 4000 – 10000 белгіден аспауы тиіс.
— Әрбір әрекет нақты жазылуы тиіс.

Сайысқа қатысу туралы сұрақтарыңызды info@artpsy.kz электрондық мекен-жайына жолдаңыз немесе +7 777 146 14 14 хабарласыңыз.