Республикалық ғылыми-практикалық психологиялық журнал

Журналға жазылу үшін хабарласыңыз:
+7 777 1461414 +7 717 242 05 89
547 қаралым

Құм терапиясы арқылы түзету сабағы

0

Ахметов Ермек Азымахынович ,
Педагог – психолог, «Дарбазақұм негізгі мектебі» КММ, Дарбазақұм ауылы Панфилов ауданы Алматы облысы
Мақсаты: Баланың қоршаған табиғатты қаншалықты, қалай, қабылдайтынын зерттеу, дамыту.
Міндеттері:
1) кинестетикалық – жанасу сезімділікті дамыту;
2) біреудің кеңістігінде өзара әрекет жасау;
3) психофизикалық қысымды төмендету;
4) құммен жұмыс жасауда тәртіп ережелерімен танысу.

Қатысушылар: Мектепке дейінгі және бастауыш сыныптар

Кіріспе бөлім.
Баланы құмсалғышпен таныстыру.
Психолог: «Қараңыз, біздің құмсалғыш жартылай құммен толтырылған, сондықтан шеткі бөлігі, борттары көрініп тұр. Қалай ойлайсыз бұл неге керек. Құм сыртқа төгілмеуі керек. Майда ойыншықтармен таныстыру. «Қараңыз мұнда көптеген әртүрлі жануарлар бейнесі. Оларды мұқият қарап шығыңыз, қолыңызға ұстап көріңіз.
Құмсалғышпен жұмыс барысында кейбір ережелер бар:
Құмды әдейі құмсалғыштан лақтырып тастауға болмайды.
Оны ауызға салуға болмайды.
Ойын аяқталғаннан кейін, бар ойыншықтарды орнына қою керек.
Ойыннан кейін қолды жуу керек.
Жаттығу: «Сәлем құм»
Алақаныңызды құмға қойыңыз. Оны алақаныңыздың ішкі жағымен, содан кейін, сыртқы жағымен сипап көрейік. Құм қандай? (кедір-бұдыр, жұмсақ, құрғақ, жылы, шашыраңқы).
Енді қолымызға құмды алып қатты қысып, жайлап оны жіберейік.
Ал, енді бір-біріміздің алақанымызды құммен көмеміз.
«Құм жасырынбағы» жаттығуы
Құмның үстінде орналасқан жан-жануарлардың бейнесіндегі ойыншықтарды атап қолымен ұстап көреді. Өзіне ұнайтын жануардың атын атап, сипаттап береді. Психолог балаға көзін жұмуды өтінеді. Ойыншықтар құм астына жасырынады. Баланың көзін ашып құм астынан өзі жақсы көретін жануардың бейнесін табуын өтінеді. Психолог айтқан басқа да ойыншықтарды табады. Құмды саусағымен қазып, қылқалам қолдануға, құмды үрлеуге болмайды. Психолог пен бала орындарын ауыстырады. (Бала ойыншықтарды жасырса, психолог ойыншықтарды табады.
Қорытынды бөлім:
Ойын сізге ұнады ма?
Әсіресе есте не қалды?
Құм қандай?
Қорытынды барысында әр адам өз құм суретін салып алып кетуін, ойыншықтарды орнына қоюды, құмды тегістеуді, қолдарын жууды сұрау.

Пайдаланған әдебиеттер
Пезешкян Н. Торговец и попугай. Восточные истории и психотерапия. М.: Прогресс, 1992.
Қуанәлі М. Ертегіні қолдану тәрбиешінің педагогикалық психологиялық негізі техникалық құрылымы. Мектепке дейінгі тәрбие мен оқыту. 2013, №6.

Share.

Leave A Reply